Segunda entrega de RETO MUIÑEIRA

Pinchade na imaxe para acceder

As nenas e nenos de infantil veñen de lanzarnos a segunda entrega do reto!! 

A BAILAR!!  

Carta de Michelle

Mirade que carta máis bonita na que fai referencia á de Gabriela... Alguén máis se anima a escribir?

(se a mandades escrita a ordenador póñolle así un fondo chulo como a esta ;) Ou ao mellor xa sabedes poñerllo vós...
Lembrade que podedes vela máis grande se pinchades nela.

DESFRUTÁDEA!!

COMEZAMOS SEMANA CHEA DE ENERXÍA!!

BO DÍA!! Benvid@s a unha nova semana!

Desta volta traiovos dúas sorpresiñas e 2 propostas semanais para que centredes os vosos esforzos nas mesmas e unha máis por si vos apetece e tedes a curiosidade de facelo. Esto non quere dicir, que ao voso ritmo sigades facendo cousiñas pendentes das propostas xa existentes, entre outras cousas porque as de hoxe son concrecións das que xa había!

SORPRESA 1. Vídeo do Día do Libro

PODEDES DESFRUTAR XA DO FERMOSÍSIMO VÍDEO DO DÍA DO LIBRO!!

Para iso pinchade nesta imaxe que vos levará á páxina web do cole onde tedes que descargalo para poder velo. Disfrutádeo moito 😀

PROPOSTA 1. Muro poético

Vou a crear unha páxina no blogue na que iremos colgando os poemas que estades a enviar, para o que teredes que pasalos a limpo e poñerlle unha decoración se así o considerades. Deixovos uns exemplos para inspirarvos.

PROPOSTA 2. Recetario saudable do confinamento

Imos crear un recetario saudable colaborativo ao longo de 3 semanas nas que traballaremos... ENTRANTES, PLATO PRINCIPAL e POSTRES!

Comezamos esta semana cos ENTRANTES SAUDABLES!!!

Elexide unha receita de entrantes que triunfe na vosa casa, cociñadea coa vosa familia (pero tedes que facervos vós cargo da medida das distintas cantidades!! importante!!) e escribide a receita. 

Ademais recollede o proceso en fotos e tamén o resultado final (só das mans traballando, sen caras para poder poñelas no blogue). 

E a ver esas presentacións, señoras e señores chefs!

OLLO! organizade ben o espazo ao escribir a receita! Deixovos un modelo para que vos situedes no papel e teñan todas unha certa coherencia (o modelo é para orientarse e levalo ao voso papel, non para escribir sobre o mesmo ;)

PROPOSTA 3. Observación de aves (voluntaria)

Tedes no menú da esquerda, en "PROPOSTAS DE TRABALLO" unha nova proposta complementaria á da clasificación animal. É totalmente voluntaria pero moi interesante por si queredes facela toda ou só parte ;)

Podedes acceder tamén a través deste enlace: Observación de aves

SORPRESA 2....

Levo xa varios días querendo facervos un pequeno agasallo persoal que fixemos en familia. Esta tempada de confinamento, que nos obliga a estar na casa, ofrécenos un tempo extra para outras actividades que no día a día de ir de un lado para outro non podemos ter. 

Eu sigo traballando, como sabedes, pero cando teño tempo libre ademais de ler, ver algunha que outra película (que tamén me encanta), estoume adicando a pintar con acuarela. Miro titoriais en Instagram, Pinterest e Youtube e vou aprendendo. Algo xa mellorei ;)

E vós ou a vosa familia? Sacáchedes do baúl algunha cousiña que non faciades antes e á que agora lle adicades algo de tempo?

Ademais diso que vos conto fixemos esto en familia que vos regalo con todo o meu cariño 💕

Chámase "PERSOAS"

ÁNIMO PARA ESTA NOVA SEMANA!!

Regaliño poético

Boas clase! Hoxe Anxo quere facernos un regalo especial en forma de poesía.

Desfrutádeo!!

Proposta dende biblio para o Día do Libro. Animádevos!!

Novas mensaxes!!!

Seguen chegando mensaxes!! QUE ILUSIÓN!! Mirade quen nos anima hoxe ;)

María fíxonos un colorido arco da vella e unhas mans cheas de
esperanza! Todo vai saír ben, claro que si!!
GRAZAS MARÍA!

Michelle puxo unha peza de puzzle por cada un, que bonita 

metáfora de que estamos xuntos aínda que teña que ser cada un/ha

dende a súa casa. Xa prontiño nos vemos!!

GRACIAS MICHELLE!

E Carlos anímanos con un arco da vella e un sol
cheos de intensidade e cor. Bicos tamén para ti!
GRAZAS CARLOS!

Nova mensaxe con sorpresa especial

Hoxe chegou a mensaxe de Gabriela para a clase, tamén moi fermosa! Pero ademais entre as cousiñas que fixo e enviou para que eu as vise, viña unha carta que me pareceu tan especial que lle dixen se me deixaba compartila. Deste xeito agardo que chegue ás persoas ás que lla dirixe. GRACIAS GABRI!

SORPRESA!!!

Con todo o noso amor! 💜

Xa chegaron algunhas mensaxes!!

Si!! Xa podemos desfrutar de algunhas mensaxes da clase! Son todas fermosísimas e feitas con todo o cariño. A min encantáronme e seguro que a vós tamén.

A primeira é de Sabela, que non se esqueceu de
absolutamente ninguén na súa mensaxe!
GRAZAS SABELA!

Esta de Claudia mándano todo o amor do mundo e moito ánimo!
GRAZAS CLAUDIA!

Pedro reciclou un interesante resultado dun experimento
para facernos esta marabilla chea de cores cunha mensaxe
con moita forza!! Claro que si!
GRAZAS PEDRO!

Xián mandounos un dos seus fermosos debuxos. Sempre nos
sorprende co chulos que son, a que si?
GRAZAS XIÁN!

Laura expresa na súa fermosa menxase unida por un arco da vella
o desexo que temos todas e todos... Vernos de novo!!!
GRAZAS LAURA!

E Dani respostalle a Laura que si, que seguro que nos vemos
pronto! Tamén nos manda moito amor con ese enorme corazón vermello!
GRAZAS DANI!

E ata aquí por hoxe... 

agardo que os disfrutedes tanto coma min ;)

MENSAXES DE ÁNIMO!

Hoxe traio unha pequena proposta para vós que seguro que vos fará moita ilusión. Vin un fermoso vídeo no que dábades ánimos ao mundo para afrontar esta crise, pero... que vos parece agora se facedes un pequeno cartaz de ánimo para @s compañeir@s da clase?

Escribide unha mensaxe dirixida en exclusiva á clase, neste caso, e decorádea como vos apeteza... con debuxos, un marquiño... como queirades! Empregade lápices, bolis, cores, acuarelas, collage! Poñédevos creativ@s.

Despois quitádelle unha foto e enviádema por correo electrónico a terceirooutes@gmail.com Irei colgando os que reciba no blogue para que o vexan o resto da clase ;)

Animádevos a participar! 

Agardo os vosos carteis!!

3º trimestre!

Aquí estamos de volta! Agardo que tiverades unhas boas xornadas de descanso e diversión en familia nestas datas. Agora volvemos de novo, aínda que de momento non temos moi claro cómo.

Según o acordado, quedan as modificacións do blogue feitas e dispoñibles.

Moito ánimo e... COMEZAMOS!

Bibliotecas virtuais

Preme na imaxe para ir directamente á páxina

Sabemos que tedes nenas e nenos verdadeiras amantes da boa lectura que devoran libros. Así que imaxinamos que a estas alturas os recursos na casa estanse agotando. Por iso cremos necesario inaugurar esta sección con enlaces a bibliotecas virtuais onde poder ler ou enlaces para escoitar contos.

Como sempre dispoñible no menú da esquerda. Desfrutádeo pero non olvidedes os libros en papel!!

Desfrutade das lecturas!

Unímonos ao reto d@s nen@s de Infantil?

As nenas e nenos de infantil lánzanos un reto que di así: 

"Queremos pensar na próxima vez que nos vexamos e vai ser especial! Así que 
toca practicar para ese día, animádesvos?

Premendo na imaxe podedes ir ver a primeira clase no blogue de Infantil grazas a Pablo.

Moito ánimo que entre todas imos sacar esto adiante. Forza!!!"

Que vos parece se nos unimos?? 

Eu vou ir comezando a practicar ;)

Circo do Sol

Propoñovos ir ao CIRCO DO SOL en familia. 
Por primeira vez podemos ver Un recopilatorio de dous dos seus espectáculos na rede! Trátase de KURIUS e LUZIA.

A desfrutar soñando!