Experimentos e método científico

Desta volta propoñovos pequenos experimentos que podedes facer coa vosa familia seguindo os pasos que levabamos a cabo no cole.

1. Miramos de que vai o experimento. Neste caso sodes ao mellor as familias as que poderiades preparar previamente o experimento, para que @s nen@s sen saber exactamente o que vai pasar, poidan despois pensar as hipóteses.
2. Escribimos as HIPÓTESES, é dicir, aquilo que cremos que vai ocorrer.
3. Facemos o experimento
4. Comprobamos que é o que ocorre
5. Suliñamos a hipótese correcta, ou se ningunha o é, redactamos que foi o que pasou
6. Por último rexistramos o texto instructivo do experimento. Materiais (aqueles utensilios empregados para levalo a cabo), reactivos (as sustancias coas que traballamos no experimento) e procedemento (os pasos que seguimos para levar a cabo o experimento de xeito ordenado).

Deixovos o modelo que empregabamos no cole. Se podedes imprimilo, estupendo, e se non podedes, vale con que o escribades noutra folla calquera. É só para que vos sirva de guía.

• MODELO RECOLLIDA EXPERIMENTOS

Deixovos tamén enlaces directos a experimentos que penso que poderiades facer con cousas sinxelas que teñades pola casa. Non é obligatorio en absoluto facelos todos, nin sequera ningún destes. Deixareivos ao final o enlace á páxina de EXPERCIENCIA onde podedes atopar multitude de propostas. Os seleccionados só o son por empregar reactivos fáciles de atopar na casa, e deses elexide os que máis vos apetezan.

LISTADO DE POSIBLES EXPERIMENTOS:

• Con auga:
• Copas musicais
• Esculturas con xeo
• Arte e cor. Cromatografía con rotuladores
• O misterio da gota submarina
• Auga en movemento
• Con aire:
• Canto aire cabe nos pulmóns?
• Carreiras de globos (globos)
• Con alimentos:
• O ovo de goma 
• Mans realmente limpas , ao alcance de todo o mundo e moi oportuno para estes días ⚡👐
• Outros:
• Tensión e son
• Zootropo

Páxina completa por si queredes investigar: 

pincha na imaxe para acceder